India in ramsung mina pawl hrang ah Caku hmang in Ihkhun tuahsuak

Leitlun hmun tamzet ahcun Covid – 19 nat kai ṭumsuk lam a pan vivo nan India ah cu a luar ṭan zik lawng a si lai.

A ni nii in nat kai an pung vivo ruangah tuamhlawm enkolawk danding a harsa zet. Thupi bikin mina itnakding ihkhun an teng awlo mi ah cozah lam an buai zet.

Asinan, tuahcun caku sah hmangin hmakhatte ih tuahcih lohli theih mi ihkhun an tuah thei ih mina itnakding hrang khal ah a ṭang zet ding an zum.

Mina enkol nakding a si vekin a tiimi a bung khalle siatthei lohlilo dingin an tuah. Ihkhun pakhat in Kg 300 hrawng a dawl ih a tuah nakah Rs 750 hrawng in a deih thei.

Caku thawn ihkhun tuah dingih idea suahtu Vikram Dhawan cun,”kan hnaṭuan minung 50-60 hrawng in, inn ah an hmang ih, it khal a nuam zet an ti. Tidai, Sii-ti cii a bung khalle phan ding um lo. A ciar tuar thei dingin kan tuahmi a siih a man khal a khung lo. restaurent ih voikhat rawl ei man hrawng lawng a si” tiin a sim.

“US journal NEJM ah plastic par ah coronavirus ni 3 a nung thei ih caku par ahcun nazi 24 lawng a nung thei ti a siih man le ol, mina hrang ah le ṭha ruangah kan hmang ṭangkai zet ding ka zum” tiin Sudhir Varanasi cun a sim a si.

ref:IT

Leave a Reply

Your email address will not be published. Required fields are marked *