India cozahpi in Drone hmang in Kharbawk rual do thok (+video footage)

Covid – 19 natnak buaipi rero India ram cu Amphan thlisia in a nuai hnu ah khuahlum in a ciah bet ih tu ah Iran le Pakistan ram lam ih ra lut Kharbawk rual ih luhhnawh a tuar lala.

Kharbawk pawl in Jaipur hmun tamzet ah luhhnawh

Kum 27 sung Kharbawk luhhnawh hminsin an neinak ih besiabik ṭum a siih rampi lockdown ruangih hnaṭuan neilo ei-in harsa lai ah hivek thil rapthlak a rung thleng cu mipi pawl vansang an lam. Cozahpi khal in ti thei tawk suahin cangvaihnak a nei rero ih tukhalah drone hmangin Kharbawk pawl cu a do thawk rero.

Kharbawk pawl cun thlaicin tamzet an siahsuah zo ih sikap mawṭaw thawn theitawk suahin an do nan vansang ih zuang thei an si ruangah duh vekin an hlawhtling theilo. Nan, tu ahcun India cozahpi in vansang ih zuang thei drone ah sibawm an ṭawn tel ih vansang ihsin sikapnak thawn a do thawk ih an hlawh tling ṭan.

Jaipur, Samod khua ihsin hmanthok asimi drone sikapnak cu hlawhtling a si ruangah India ramsung hmun dangdang khal ah drone hmang ih sikap sunzawm an tum vivo a si.

Tuṭum India ram ih runglut kharbawk pawl cu hlan ta hnakin an no ih an cak cuang. 200 km hrawng an zam thei ih minung 35000 rawlei tluk hrawng an ei thei tiah India scientist pawl cun an sim.

ref: TOI, IT, The Hindu

Leave a Reply

Your email address will not be published. Required fields are marked *