India Cozah Siizungpi a kang ih naute 10 an thi
January 9 zinglam nazi 1 hrawng ah Maharashtra, Bhandara ih cozah siizungpi a kang ih naute 10 an thi.
Naute suakpek retnak innpi ihsin kangmei a suak thok naute 7 cu an runsuak man.
Siizung ih hnaṭuan Sandeep Kadam in “zinglam nazi 1:30 hrawng ah a kang mi si. Nurses 2 le hnaṭuan bawmtu an um nan naute 7 lawng an run man. Kangmei a suak thok veten theihternak dar an tal ih mei an phal ahcun naute 10 an rak thi zo”.
Ten newborn babies have been killed in a fire at a hospital in India as members of staff rushed to evacuate the ward in the early hours of Saturday.https://t.co/xwoi4hDGuX
— BBC News India (@BBCIndia) January 9, 2021
“Meikang lai ah thil puak ciamco a um ruangah Siizung hnaṭuan pawl duh vekin an cangvai thei lo. Theipatawp suah in an ṭang nan naute zaten an runsuak thei lo. A kang nak san cu theih a si hrih lo” a ti.
Naute retnak khaan ah itkhun 36 a um ih Tlawngkai ninga tiang, cuih hmun ah naute 17 an um. Runsuakmi naute 7 cu khaan him dang ah an ṭhawn cih.
Bhandara District Health Officer Dr Prashant Uike in “zarkkhat in thlahnihthum upa Naute an si ih mi tamsawn cu thawpit in an thi. Naute pakhat cu a kang besia zet. Pahnih cu an taksa ṭhenkhat lawng a kang. Midang cu meikhu an hiip nasatuk ruangah an thi a si” a ti.
The #Maharashtra government has ordered an investigation into the matter, with home minister Anil Deshmukh rushing to the district to take stock of the situation.
(@Pkhelkar) #BhandaraHospitalfire https://t.co/wIYyv7OSam— IndiaToday (@IndiaToday) January 9, 2021
Hih thuthawn pehpar in Cozah Siizungpi cu mipi in nasaten an sawisel ih “dawngdahnak ruangah le humhimawknak hmanrua a umlo ruangah hivek vanduainak a thleng mi a si” tiah an au.
Hivek vanduainak suak nawnlo dingin India Cozahpi in hmalaknak a nei thok thlang ding tiah cozah lam in thusuahnak a nei cih ih hmalaknak nei thok dingin le kangmei suak dan zingzoi dingin an cangvai thok cih a si.
