Inauguration puai ni ih Bernie Sander zuk cun $1.8 million lenglo a lak lut zo

January 20, US President thar thukamnak puai ih telve Senator Bernie Sander ih zuk cu zaankhat thil thu in online ah a lar ciamco hlei ah cuih zuk cun ni malte sungah $1.8 million lenglo a laklut a si.

Kawrhlun, zungpi hrawlhnak lawng ummi kuthruk le hmur khuh bun in kut kalhawk phah ih totu Bernie Sander cu AFP ih hnaṭuan Photographer Brendan Smialowski in mawi zetin a rak zuk man.

Cuih zuk cu online ah a lar ciamco ih hnihsuak zuk tuahnak phunphun ah an hmang ih mipi lom a hlawh zet. Amah khal a lar phah sinsin. A zuk hmutu tamzet cun “Inauguration puai fehmi khal a bang lo. Khuasik tukih nitlang ra ai menmi a bang. Lom a um tuk rori” an ti.

Bernie Sander ih zuk ben mi T-shirt, banian, kawrhlum tvk pawl cu charity hrang ah ti`n amai official website sung in online ihsin an zuar ciamco ih zarhkhat kim hlan ah $1.8m lenglo an laklut a si.

“Online ih ka zuk a lar ciamco cu kan mangbang thluh. Internet ih larnak cu kan ramkulh Vermont hrangah kan hmang ṭangkai thei ih ka diriam zet” tiah Senator Bernie Sander in a ti.

Azuk hmang ih paisa laklutmi hmuahhmuah cu Covid 19 boruak ih harsazual pawl bomnak ah an hmangtum ih “Chairman Sanders” merchandise dang khal an zuar peh vivotum a si.

 

View this post on Instagram

 

A post shared by SJP (@sarahjessicaparker)

Leave a Reply

Your email address will not be published. Required fields are marked *