Hnawmbal Tlaang cim mi ah nauhak kum 12 nute Hlo

India: Tlaang tumzet thawn tiat aw mi Ahmedabad ih Hnawmbal Tlaang cim in nauhak pahnih a nen.

Zarhte ni ih cim mi a siih kum 6 nauhak pate cu an phorh suak nan a rual nu Neha Vasava (kum 12) cu tuisun Sept 28 tiang an hmu thei hrih lo ih, hmuh hlan lo hawl an tum.

Nauhak nute hawltu lak ih tel ve, meithat bawi MP Mistry cun “an pahnih in hnawm sar ih pumcawm aw an si. Ahmedabad ih hnawmbal Tlaang tumbik ah zuar theih ding mi thilri hawl in an vak lai ah feet 100 hrawng sang mi Hnawmhne Tlaang a ciim ih a nen hai. Kum 6 pate cu a Lu a lang ih an run suak lohli. Neha Vasava cu tutiang kan hmu thei hrih lo.”

“Duh vekin kan cangvai thei lo. Hnawmbal rim a sia tuk ih celh ṭha a si lo. Cun, rawl hawl ih vak Uico rual an tamtuk tikah ṭih a nung tuk” ti`n AFP hnen ah a sim ih “Kan hmu hlan lo hawl kan tum” a ti.

Hnawmbal Tlaangpi cu minung 5.6 million um nak khuapi sung ta hnawm hlawn nak hmun a si ih nikhat ah 3500 tonnes hnawm an hlawn ṭheu.

India ram ah hnawm hawl ih pumcawm aw minung 4 million hrawng umding an zum ih ṭhen thum ṭhen ih ṭhen khat cu nauhak an si.

Nitinten hnawmbal tamzet lak ah thir, zuar theih ding mi plastic le an hrang ih ṭangkai ding mi thil ṭha hawl phah in an vak vivo ih, Tulai, Covid 19 boruak ruangah hlan ai in an harsa sinsin ti`n TOI cun a tarlang.

Leave a Reply

Your email address will not be published. Required fields are marked *