Hna-Ek Phun 8 ih khih hmuh mi Na Hriselnak

Kan hna-ek hin kan hriselnak a khih hmuh ih theihṭul mi tamzet a um.

Kan hna-ek hi kan hna hrangah ṭhathnemnak tamzet a um ti`n doctor pawl in an sim. Kan taksa in a ṭul a ti dan in a suak ter ih coih ringring khal a ṭha lo.

Kan coih ringring khalle kan hna ih um ṭul mi a si ruangah kan taksa sunglam in a suak ter cingcing ih Hna coih ringring ruang ih hna set khal an tam zet.

Hna-ek coih lo ih um ringring khal ṭih a nung thotho. Kan hna ti fai ding cu mah le bulpak cio ih tuah ding a siih tikholh tikah puan pa te le tihlum thawn kan ti fai mi hin a tlangpin a ti fai tawk tiah mithiam pawl cun an sim.

Kan hna-ek cu kan hriselnak thawn a pehzom aw deuh ruangah kan neih dan a bang aw cio lo ih mithaim pawl ih sim mi hna-ek phun dangdang pawl kan zoh tlang hnik pei uh.

meikhu rong (gray) hna-ek cu thinphan ding a um hran lo. Pangai a si tlangpi ih khuapi ih um pawl hna ah a um tlangpi ih leikhu hnawmbal men a si.

Thi malte tel in a sen a si le na hna-zang kiangkap ah a tlek/pop a um tinak a si thei. Hnawmbal lut in hmasia a suak thei ih na hna tiang a set phah thei. A cang thei le Hna lam thiam doctor hnen ah zoh ter loh li aw.

Dum rong lampang (brown) cu thinhar le helhkam nei cuang tikcu ah a suak duh zet ih thin hnangam thei danding hawl in na duataw deuh a ṭul.

Voihnih-khat a dum mi cu a poi lo. Nan, na hna za, thak deuh vekih a um ringring le fungal infection a si thei ruangah doctor hmuh lohli aw.

Kan taksa in vitamin a tlasam caan ah hna-ek vaar a suak duh cuang. Doctor pan aw la na taksa ih ṭul mi vitamin tel mi in le ei thawn cawmawk aw.

Aire rim nei deuh cu Hna lai fang ih infection um tik ah a suak ṭheu. A caancaan ah thil ciar awn hruthri thawm vek na theih ṭheu le doctor pan lohli aw la tuamhlawm danding ngaituah lohli aw.

A ciar mi hna-ek hnang tamzet a um le doctor pan lohli aw. Na hna sung ah thil cianglo a um tinak a si ih Doctor pawl in a sung an zoh lawng ah ciangten an lo sim thei ding. Na Hna a hrisel lo tinak a si ih na tuamhlawm lohli ṭul.

Hna-ek ro tuk cu vun thawn khal a peh par aw ih taksa in thau a mamawh tikah hna-ek a ro cuang thei.

ref:Knownplus

Leave a Reply

Your email address will not be published. Required fields are marked *