Hmel Pianhmang danglam ruangih hmuhsuamtuar pate Dinpitu An Pung Vivo
Riahsiathlak zetin hmel pianhmang danglam ruangih hmuhsuamawknak hi Leitlun ramtin phunhnamtin lakah hmuh ding a um.
Hmel pianhmang danglam ruangih hmuhsuamawknak dodaltu khal an um ih pawlkom zawng khalih dintu an um nan mihring pakhat cio ih kan lungput a bangaw hai lo tikah Leitlunhuap zawng in an hlawhtling theilo.
Cuvek, hmel pianhmang danglam ruang ih hmuhsuamtuar mipakhat cu East Africa, Rwanda ram ah a um. Amah hi kum 21 mi a siih a hmin cu Zanziman Ellie a si.
2 minutes in and this video is already problematic and the fact that someone went as far as calling him real-life Mowgli for a catchy headline is demeaning and obtuse.
Bullies Call Him Monkey | BORN DIFFERENT https://t.co/LIkZA6X6Md via @YouTube
— isokeno (@_isokeno) December 1, 2020
Microcephaly timi nat ciikhat a pianpi ruangah a riruang a danglam zet. A taksaruang thawn milawlo in a Lu a fate hlei ah a ṭong theilo.
Hmel painhmang danglam a neih ruangah an khua pawl ih hmuhsuam a tuar ih khuasung khalah umngam loin hramlak ah a caan a hmang tamsawn ruangah “The Jungle Book” thuanthu sungih hramlak ih ṭhanglian “Mowgli” tiah an ko ṭheu.
Report ih ngan mi vek a si le a nu in Ellie a hring hlan ah Fa panga a nei zo nan mual an liam thluh ti a si.
Tu ah, Ellie nu cun harsatnak an tonmi pawl cu Afrimax TV channel hnen ah a relsuak ih a fapa hmel dang ruangah khuapawh ih hual ciamco a tong thu khal a relsuak ih hnaset ṭongthiamlo a si ruangah Tlawng khal a kai lo a ti.
Afrimax TV ih an interview zar ah, tu ah, Ellie te sungkua thuhla a theitu an tam vivo ih bawmduhtu mipi ih ngaihsak an hlawh thok.
LEAVE HIM ALONE https://t.co/b8gKjdXQ6l
— Second City Bureaucrat (@CityBureaucrat) December 2, 2020
An sungkua todelhawthei dingin Afrimax TV in hmalaknak a nei sak ih bawmdilnak GoFundMe page a tuah sak.
GoFundMe page ahcun “Hnaṭuan neilo ruangah ei-inding nei lo nuhmei hi bawmcio uhsi. Ei-inding harsa ruangah le hmuhsuamtuar ruangah a fapa te cu hram lakah tlan in hramhring a ei ṭheu a si. Hih tlangvalpa le a nu hi bawmcio uh si” tiah an ngan.
Tu ah, Ellie te sungkua zangfah lainattu an tam vivo ih GoFundMe page ah an hrang ih bawmnak paisa hlu mi $3,958 a kim zo a si.
