Hmaizarh ihsin UK ram ah Covid 19 dokhamsii hmang thok ding

Pfizer company tuah mi Zaṭeek 95 hmualnei Covid 19 dokhamsii cu hmaizarh ihsin UK ram ah hmangthok theih a si zo thu UK Medicines and Healthcare products Regulatory Agency in tlangthannak a nei.

“Hmaisabik doses 800,000 cu hmaizarh ihsin hmanthokthei a si thlang ding. Hmaisabik ah kum upa enkolcawp ṭul care home ih um pawl le a kilkhawitu staff pawl hrang ah tawlrel a si ding ih a sangtu ah kum 80 luan kum upa le health care staff pawl hrang ah tawlrel a si ding” tiah Health Secretary Hancock in a sim.

UK ram hin Covid 19 dokhamsii doses 40 million hrawng a cah ih a thleng hmaisa ding doses 800,000 hmang thok danding, UK ram ih Siizung 50 lenglo in timlamnak an nei rero a si.

Health Secretary Matt Hancock cun “Mizaran cu NHS lam in Sii remcang hnu ah dawt dingin pehtlaihnak a nei leh ding” tiah BBC Breakfast hnen ah a sim ih “mipi in a him mi Covid 19 vaccine a si timi an zum theinak dingah Live rorin mipi hmai ah Sii ka dawt ding” ti`n Good Morning Britain ah Live in a sim.

Hmaizarh lam in UK ram ah Covid 19 dokhamsii hman thok theih a si ding nan mipi lam cun ralring fimkhurten tlanlen a ṭul hrih ding tiah England Chief Medical Officer, Professor Chris Whitty in Vice media hnen ah a sim a si.

UK ram ah Covid 19 dokhamsii tlungten a thleng thei ih an hman thok thei cun Leitlun ramhuap in Covid 19 vaccine hmanghmaisabik ram an si ding a si.

Leave a Reply

Your email address will not be published. Required fields are marked *