Hmaikhuh bun duhlo ruangah Vanzaam in an ṭum ter, Mipi lungawi in Zaa an Beng
Covid 19 ruangih leitlunpi a buai rero lai ah mi ṭhenkhat cu mithiam pawl in nathrik karhzaailo danding an sim mi thlunduh loin mah duhdan ih um “Covidiot” an tam zet.
Khawleng kan suahvah tikah Caronavirus karhzaai lo ding le nathrik lak ihsin humhim awnak ṭhabik pakhat cu social distance daan thlun le hmaikhuh bun hi a si. Asinan, Covidiot pawl cun kan mah le taksa par ih thil thleng dingmi a si ruangah kan duhduh in kan um thei timi, hngalnak lungput an nei.
Tu khalah US, Ohio ihsin Carolina lam ih zaam tummi American Airline vanzaam sungah hmaikhuh bun duhlo ruangah thuelawnak a suak ih hmaikhuh bun duhtotu cu vanzaam ihsin an ṭum ter.
July 19 ih thilthleng a siih vanzaam totu nunau pakhat cu hmaikhuh a bun duhlo ruangah Airline hnaṭuan pawl thawn thu an elawk ih, video sungih kan hmu vekin, hmaikhuh bun duhlotu cu ṭuanvo neitu pawl in an ṭumter.
Vanzaam ih tovetu mi pakhat cun, “Airport gate ihsin vanzaan hnaṭuan pawl thawn an elaw thok. Vanzaam sung a thleng veten phone a biak ih ṭuanvonei pawl in phone thlak dingin an sim rero nan theilo vek ten a um” a ti.
Vanzaam totu mipi khal in “caan a rei men, poihei nei cio kan si. Ṭumzaangaw, kan feh ṭul thlang” tiin an auh phah ih Covid 19 lakih humhimaw danding DAAN a thlun duhlo ruangah Vanzaam ih ṭuanvo neitu pawl in an ṭumter. Passanger pawl cu an lungawi tukih za an beng thluarthlo.
An buai lai video zuktu Slade cun, “amah cun damlonak ka nei ruangah hmaikhuh ka bun lomi a si a ti. Nan, vanzaam sungah nat suanaw a olcuang tukih vanzaam to sung te men cu daan thlun ve mei ding a si” a ti.
ref:Insta