Hlon ṭul dingmi Covid 19 Vaccine cu Lamziintluan ah an Dawt ciamco
US : Vurthlipi lakih tang Oregon health workers pawl cun hlonklakthei dinhmun a simi Covid 19 vaccine dose 6 cu traffic jam nak hmun ih mawṭaw mawng pawl an dawt thluh.
Hihthuthawn pehpar in Josephine County Public Health official cun “Kan staff pawl in Illinois Valley High School ah Covid vaccine tlangzarhnak an nei hnu, an tlunlam ah rinlopin Vurthlipi a hrang ih traffic jam ah an tang.”
“Hmundang ih dawt bet dingmi vaccine dose 6 an nei lai ih cuih Sii pawl cu traffic jam an tang sungah expire thlang ding an si. Curuangah hlawn lak ding aicun ti`n Covid 19 vaccine dose 6 cu kiangkap naivai ih mawṭaw mawng pawl an dawt thluh a si” tiah Facebook ah an tarlang.
Oregon health workers who got stuck in a snowstorm on their way back from a COVID-19 vaccination event went car to car injecting stranded drivers before several of the doses expired. https://t.co/KWAVz3GvgL
— KTVU (@KTVU) January 28, 2021
Siidawt lakih telvetu mipakhat cun “Rinlopin Covid vaccine ka dawt ngah cu vanṭha ka ti aw zet. Vur lakah kan dawtaw ciamco ih hnih vek lamlam a suak” tiah a Instagram ah a tarlang a si.
Pfizer-BioNTech tuahmi Covid 19 vaccine cu company tumzet pawl ih hmanmi Vurkuang special ah minus 70 degrees Celsius (minus 158 Fahrenheit) dai in ret dingmi a si. Vurkuang pangai hlum/dai cin ih ret mi cun ni 5 lawng a daih a si.
