Hla Fing Khat ruangah Thlai That dingin Daan Tat

Nigeria singer Yahaya Sharif-Aminu (kum 22) cu hlafingkhat ruangah thlai that dingin Sharia thuṭhenzung in thu a ṭhen sak.

Muslim puithiam Mohammad hmin telh in hla a phuah mi cu WhatsApp thawn a theh darh ruangah Mohammad a thangsiat ih Muslim biaknak Daan a pahbal a si tiin an mai` biaknak hruaitu pawl in an khiing mi a siih, tu ah, Sharia thuṭhenzung in thlai that dingin thu a ṭhen sak a si.

Nigeria singer Yahaya Sharif-Aminu

Muslim hlir deuhthaw umnak northern Nigeria ahcun Secular Law (Biaknak thawn pehpar lomi Daan) le Sharia Law (Islamic biaknak Daan) ti`n Daan phun 2 an hmang ih Sharia Law cun Muslim pathian biaktu pawl lawng a huap ban.

Cuvek sakhua biaknak Daan hngetkhohzet tang ih um Yahaya cu puithiam Mohammad hmin tel mi hla a thehdarh ṭheh veten a tlan hlo ruangah an mai` biaknak hruitu hoha nakin duhphorhnak an nei. Asungkhat pawl ih inn khal an urkang sak ih, amah, kai lohli dingin Islamic palik zung hmai ah duhphorh nak an nei.

Cutiih buainak a sosang sinsin ruangah Islamic palik pawl cun Yahaya cu March thla ah an kai ih, tu ah, Sharia thuṭhenzung in thlai that dingin thu a ṭhen sak a si.

Yahaya Sharif-Aminu thlai that ding thu thawn pehpar in Muslim biaknak lam ih hruaitu Idris Ibrahim cun, “tu ih thuṭhennak cu Yahaya vek zinzawhtu mino ṭhenkhat hrangih ralringpeknak a si. That dingin thu an ṭhen ti ka thei veten kalungawi zia cu ka sim thiam lo. Duhphorhnak kan nei mi khal a lak a si lo” ti`n BBC hnen ah a sim ih “kan biaknak dokalhtu le puithiam hminsia tertu cu hivekin thuṭhensak an si ding” a ti.

ref:BBC,Wiki

Leave a Reply

Your email address will not be published. Required fields are marked *