Hih Ram Pawl Ah Covid – 19 A Thleng Ve Lo

Santhar ih umdahkeel lomi Covid 19 pulhnatpi in leilungpi a nuai ih mithi khal tawr le cheng in an um. Ramkhat le ramkhat hmuaw thiamlo naktiang a thlen ih leitlun economy khal a ti cingpeng thluh.

Leitlun hmun tamzet ih zung, dawr pawl phitthluh a si ruangah rampi paisa lut-suakdan khal a dik theilo.

UN pi ih sim vek a si le Covid – 19 ruangah leilungpi in paisa $1 trillion a sung ding ti a si, cukhalcu kum 2020 hrang lawng an sim mi a si.

17 March 2020 ih zukmi a si

Leitlun harhdam dingin Covid 19 keneh thlun vivotu US, Maryland hrambun Johns Hopkins University ih data vek a si le, Leitlun huapih Covid 19 nathrik kaaitu mipum 14 million an luan zo ih million hrek luan (597,741) minung an thi zo.

Cutlukih cak in leilungpi hrawh theitu Covid 19 cu mangbang thlak takin ram 12 pawl ah a thleng ve lo. Nan, cuih ram pawl cu khualtlawng lutsuak umtuklemlo ram pawl an si.

Leitlun ah rampi 193 (UN theihpimi) a um ih cu pawl lakah rampi 181 ah Covid – 19 a thleng ih ram 12 pawl lawngah Covid – 19 case report a um lo. Cuih ram pawl cu ..

Kiribati

Marshall Islands

Micronesia

Nauru

North Korea

Palau

Samoa

Solomon Islands

Tonga

Turkmenistan

Tuvalu

Vanuatu ram pawl an si.

Hih ram pawl ah 13/07/2020 tiang official ih report mi Covid 19 case a um ve lo a si.

ref:JohnsHopkinsUniversity,Wiki

Leave a Reply

Your email address will not be published. Required fields are marked *