Hepatitis C virus hmusuaktu Scientists pathum in Nobel Prize sunloihnak Dong

2020 kum hrang Sii vai thawn pehpar mi sunloihnak ropi Noble Prize cu Hepatitis C virus hmusuaktu scientists pathum in an ngah.

Sii vai thawn pehpar mi Noble Prize sunloihnak cotu cu American scientist Harvey J Alter, Charles M Rice le British scientist Michael Houghton pawl an siih an hmuhsuah mi hin minung tamzet nunnak a ti him tiah Noble Committee hotu Thomas Perlmann in a sim.

Hepatitis C virus cu thisen thunnak ihsin nat suan aw an tambik ih nathrik cangvaihdan hmuhsuah ciang a si hlan ahcun Hepatitis non-A, non-B ti`n an ko.

Virus hmuhsuah/theih ciang a si hnu in Hepatitis C nei le neilo thisen check nak tuahsuah thei a si ih a dokham danding khal an tawlrel thei vivo.

Hepatitis C hin thin cancer a suak ter ih tu fangah leitlun huap Hepatitis C nat neitu mipum 71 million lenglo an um.

Noble Prize
Noble Prize sunloihnak ropi cu December 10, 1901 kum in an pek thok ih Chemistry, Literature, Peace, Physics, Physiology lole Medicine ti`n line hranhran ten pek ṭheu mi a si. Tuṭum “Physiology or Medicine” line thawn sunloihnak dongtu scientists pathum hin gold medal pakhat cio an dong ih 10 million Swedish kronor ( $1.1 million) ṭhen aw ding an si.

Leave a Reply

Your email address will not be published. Required fields are marked *

error: hahahahahaha !!