Harry Potter thuanthu Bu 7 ka siar suak titu Daw Aung San Suu Kyi

Myanmar rampi thuron Daw Aung San Suu Kyi hi calai ngaina zettu a si ti cu kan thei cio hai ding.

Ca tamzet a siar mi lakih danglam zet pakhat cu Leitlun huap hminthang J.K Rowling ngan mi Harry Potter cabu a siar ṭheh mi hi a si.

Harry Potter series ah cabu 7 a um ih cupawl cu a zaten rori ka siar ṭheh ti`n 2013 ih tuah mi International Literary Festival ah ASSK in a rak sim dah.

“Harry Potter cabu series zaten ka siar ṭheh” ti`n ASSK cun hni phah in a sim ih “Cabu sungih nauhak pawl thuanthu vekin ziangtinkim tuahngamnak lungthin ka nei ngai maw tin ka ruat ṭheu” a ti.

Aung San Suu Kyi cun, “Mi ralṭha nasi ti`n mi nih in porh tik ah ‘Harry Potter cabu an siar dahlo si hi” ti`n ka ruat ṭheu” a ti.

Aung San Suu Kyi cu thusual zingzoitu thuanthu khal a siar peih zet ih canganthiam hminthang a uar cuang mi lakah George Eliot le Victor Hugo khal an tel a si.

ref:NDTV

Leave a Reply

Your email address will not be published. Required fields are marked *

error: hahahahahaha !!