Hacker pawl in Donald Trump thuthup File hack sak, $42 million thawn tlan dingin ngen

The REvil ti`h hmin peaw hackers group pakhat cun kan dung zarh sungah leitlun hminthang tamzet ih hman mi Grubman Shire Meiselas & Sacks law firm ih computer system cu an hack ih 756 GB thuthup file an fir sak.

An fir mi file sungah cun Grubman Shire Meiselas & Sacks company thawn pehzomaw mi customer pawl ih bulpak thuhla, hnaṭuannak contract ca tivekpawl a tel ih Cui` customer pawl lakah leitlun hminthang Madonna, Drake, Lady Gaga, Elton John, Robert De Niro, U2 le Bruce Springsteen te pawl ih file pawl khal a tel ve.

Hacker pawl cun an fir mi data pawl cu $21 million thawn tlan dingin darkweb ah ca an post ih cuih law firm ih ca thupi pawl cu kan kut sungah a um taktak ti langternak ah 2019-20 sungih Madonna concert hrang contract ca an fir mi screenshot thawn an tar lang cih.

Asinan tlawngkai nili ah data tlan man cu $42 million ah an kaih sal tlun ah president Donald Trump ih thuthup khal kan fir mi file ah a tel. Zarhkhat sungih paisa kan dong lo asile hih ca pawl cu internet ah kan thlah ding. US ram hrilawknak tla a kim zik thlang, pu Trump ih bawrhhlawh thuthup pawl khal kan nei thluh zo.

“Mr. Trump president si na duh lai asile kan lo dil mi vekin tuahaw. Cun voter pawl khal thei uh himi thuthup ca pawl kan thlah cun president si ding ih vote duhnak thinlung khal nan nei nawn lo ding tiin ca an thlah ih company sungṭuan lawyer Allen Grubman hnen khalah paisa kan dong lo cun nan company kan siatsuah thluh ding tiin an theihter.

Asinan hi thuhla thawn pehpar in paisa an ngen mi zet pek a si khal le an duh cun ca an fir mi pawl cu internet ah an thlah thei thotho tlunah FBI pawl in US rampi in terrorists kan dawr lo an ti ruangah zianghman kan cangvai lo ti`n company sungṭuan thunei pakhat cun a phuang.

ref:Inshot

Leave a Reply

Your email address will not be published. Required fields are marked *