HA nat Tuamhlawm lohli a ṭul, Thluak tiang a tham ban

Ha na ṭheu cing ih ngaihsak lotu na si le fa pali nei, Rebecca Dalton thuanthu in na mit a lo vang terding.

UK ram mi, Rebecca Dalton cu fa pali nei zo a siih a Ha na a ngaihsak lohli lomi in a thluak tiang a tham ban ih, thizik in siizung ah thla 5 tuamhlawm in a um.

Ahlan ih a Ha na ṭheu lai ah doctor hnen ah, zohter lohli loin a um ih 2019 December lawngah Ha clinic ah a hmuh ih an rem ṭhat sak.

Cuhnu, thla khat luan hrawng in lungmit, feh ṭhitha thei loin a um ṭheu ih ni khua thei loin a tlu ṭheu. A umdan a ciangkuang theilo ruangah siizung ah an hmuhawk ih a lu an scan tikah a thluk sungah bacteria cangvaihnak a um mi an hmusuak. Doctor pawl in Bacteria a lut thei danding an zawt vivo ih a Ha na dah nak ihsin a thluak ah a kaai nak neh an hmusuak a si.

A thluak natnak ihsin a Thin le Lung tiang a rak tham pehzom vivo ruang ah a besia zet ih a mah ten khal a feh thei nawnlo.

Paisa tamzet cem in thla 5 sung siizung ah tuamhlawm in a um ih van ṭhat thlak takin ṭhatlam a pan vivo ruangah, tuah, siizung ihsin a suak theizo a si.

Rebecca Dalton cun, “kum 35 lawng ka si lai ih hivek khawp tiang, NA thei dingah ka rak ruat awlo. Nan, ziang hman lo ih ka rak ruat mi in life-changing experience i nei ter phah thluh. Atuahcun, himi damlonak ruangah thil ziangkim hi a danglam zawng in ka zoh thiam phah thluh. Zainghman sihnai loih na ruat mi in na nun lamtluan a lo thleng thei a si” a ti.

Tukum thok lam khalah UK ram mi Adam Martin (kum 41) cu a Ha karlak ah vainim puak a ei mi a ther ih ballpen zik, wire, thir zum hmang in a coih ruangah a Hanii a sawh ngah ih septic a lut mi cun a Thin lam tiang a tham ban ruangah Heart surgery an tuah phah thluh a si.

ref:TheSun

Leave a Reply

Your email address will not be published. Required fields are marked *