Germany mipi in Covid 19 hnak in Donald Trump an Ṭih Sawn – Survey ih hmuhsuah mi

Germany ram ih Insurance company tumbik a simi R+V Insurance Group ih zingzoinak nei mi ah ramsung mipi in Covid 19 hnakin US President Donald Trump policies an ṭih sawn timi an hmusuak.

June le July thla ih zingzoinak an nei nak ih hmusuah mi a siih Pu Trump policies in Leitlun economy a ti cingpeng thluh ding an phang.

Thusutnak an nei mi mipum zaṭek 53% cun ‘Pu Trump kan ṭih bik a si’ ti`n, mi tamsawn in Pu Trump cu an ṭihbik mi number 1 ah an ret ih Covid 19 cu number 17 nak lawng ah a tel ban.

R+V Insurance Group lam cun Pu Trump ih ziang policies bik an ṭih timi, ciangzetin simfiahnak an nei lo ih, R+V Insurance Group adviser political scientist Manfred Schmidt cun “US ram hruaitu dang pawl tuahdah kel lo mi China le US ram karlak sipuaiyi atuahdan, international cooperation in US ram a hnukdawk dan tvk ruangih suak thei mi economy tlaksiatnak tivek, a foreign policy bik hi a si” a ti.

Himi zingzoinak “Fears of Germans” survey cu 1992 kum ihsin an tuah thok ih tukum khal ah Germany ram mi mipum 2400 thusut in zingzoinak an nei mi a si.

ref:MSN

Leave a Reply

Your email address will not be published. Required fields are marked *