Fox News le Newsmax dung an sip thok
US rampi hrilawknak ah voting-machine diklo, software ciangkuanglo dingih tuah hrimin votefirawknak a um tiih au ṭheutu Fox News le right-wing network Newsmax cu dung an sip thok thlang tiah The Guardian in a tarlang.
Voting-machine le software tuahtu Smartmatic le Dominion in company hminsiatter thubuai thawn tayacuai thei dinhmun a si ruangah tuvekin thianfihlim awknak an nei mi a si.
Newsmax cun tlangthannak a nei ṭheumi election vote firawknak cu an network fehpimi le pommi siloin an thuthang zung ih khual an neih mi, interview an nei mi tivek pawl ih zumnak, ruahnak le pompimi sawn a si tiah an tarlang.
Cuih tlun ah Trump lawyer hlun Sidney Powell in vote thlaknak system le software pawl diklo dingin an rem hrim ih hlei ah Joe Biden cak dingin a thupten Venezuelan cozahpi thawn hna an ṭuan tlang thup tiih ṭongsuakmi, Newsmax in a phuang sawng lehmi pawl khal an mai` Network pompimi, fehpimi a si lo thu simfiahnak an nei.
Newsmax just aired this note to “clarify” its coverage of Smartmatic and Dominion. pic.twitter.com/I5XZ7CQpAk
— John Whitehouse (@existentialfish) December 21, 2020
Smartmatic le Dominion in an company hminsiattermi phiatfai simfiahnak nei dingin ca an kuat ruangah Newsmax thuthang phuangtu Tabacco cun “Dominion, Smartmatic le ramdang cozah lole Democrat pehtlaihawknak an nei timi cu Newsmax in a takin khihhmuhding kan hmu lo. Dominion in Smartmatic software rembetmi hmangin Kum 2020 US rampi hrilawknak ah vote fir hmalaknak a nei timi khal kan nih Newsmax cun a takin khihhmuhding kan hmu lo.”
“Smartmatic software khal cu Trump campaign in vote firawknak a um an timi battleground states ah an hmanglo. Kum 2020 US rampi hrilawknak ah Smartmatic software cu Los Angeles lawng ah an hmang” a ti.
This is very bizarre. Lou Dobbs ran a segment tonight basically debunking his own lies about Smartmatic voting machines pic.twitter.com/FDM91SPtT1
— Aaron Rupar (@atrupar) December 19, 2020
Cuvek ṭhiamṭhiam in Fox news khalin Kum 2020 US rampi hrilawknak ih vote fir puhmawhawknak pawl cu a takin khihhmuhding a um lo tiah ṭongkam herkual in an tarlang zo ih cuvek thu an rak phuang dahmi pawl cu kan zumnak le kan pompimi a si lo tiah ṭongkam herkual in an tarlang ve.
Kum 2020, US rampi hrilawknak ih vote fir phumawhawknak cu lam ṭang nei in Newsmax, Fox news le OANN in an tarlang tambik ih Smartmatic le Dominion in company hminsiatter thubuai thawn tayacuai a tum hnu ah Fox news le Newsmax cu dung an sip zo nan OANN cu a ṭongsuak hrih lo tiah The Guardian in a tarlang a si.
