Faphir hmuihmel bangawtuk thleithlak hartuk cu a Nu in Tattoo a cuk lawlaw

Kum 5 sung naupai theilo kum 31 mi inn-sang-nu le inn-teek-pa cu fa nei theilo beidong ah doctor an pan ih caan tawkmawi hnu ah tulai fimthaimnak hmangin fapa phir an nei suak.

Adam le Jack ti`n hmin an pek ih nautasawn Jack cu damlonak ciikhat a pianpi ruangah zarhkhat voikhat siidawt a ṭul ringring.

Faphir tifam cu an hmuithlak a bangawtuk ruangah voikhat cu Jack sawn Sii dawt ding cu Adam sawn riangri Sii an dawt sual pang ih Siizung an thleng phah.

Curuangah inn-teek-nu cun neta ah buainak umnawnlo dingin a fapa Jack sawn cu a taksa par ah tattoo a cuk ter.

Tattoo a cuk ter mi a Pizon/Ni in a theih cu an sung an buai thluh ih inn-teek-nu cun an thuhla cu subReddit r/AmItheAsshole ah a tarlang.

“Kei mai` duh ruangih tattoo cuk ter hran khal a si lo. Hna ka ṭuan lai ah kan naute kiltu in midamsawn Adam kha Sii a rak dawt pang. Jack thawn an pianhmang a bangawtuk ruangah a dawt sual ih Siizung tiang kan thleng phah.”

“Curuangah doctor pa in advice in pek ruangah tattoo kan cuk mi a si. Pencilziik ih rubber tiat hrawng fang kan cuk ter. Kum 2-3 hnu ah a mahten hlo thei dingin in cuk sak.”

“Ka Ni in tattoo thuhla a thei cu kan buai thluh. A thin a heng tuk. Asilen naute taksa kha vun zoh hnik awla tattoo teh na hmu thei maw si ka ti cu a hmu theilo sap bei” ti`n inn-teek-nu cun reddit a ngan ih “cuticing in a thi heng thotho” a ti.

Adinhmun ah um bangaw la Ziangtin na tuah ding.

Leave a Reply

Your email address will not be published. Required fields are marked *