Facebook in US ram hrang ih Ṭihnung mi FaceBook group a hlawn

Facebook cun US rampi hrilawknak boruak ih thubuai luar sin ter tu ding tiih a ruah mi “Stop The Steal” Facebook group cu November 5 ah a hlawn suak.

Hih group cu US rampi hrilawknak ih vote fir puhmawhawknak ihsin a suak thok mi Facebook group a siih ni khat-hnih sungah member ting 3 le thawngsawmnga an um man.

Cuih group ahcun vote fir puhmawhawnak cungcang, dik lo zawng ih cangvaihnak neitu tiih puh tuar Democratic party donalnak le a hraang zawng ih cangvaih danding tawlreltum dinhmun vek an si ruangah Center for Countering Digital Hate pawlkom in Facebook hnen ah a report ih an dinhmun zohciannak an nei hnu ah Facebook in a hlawn mi a si.

Hih thu thawn pehpar in Facebook lam in simfiahnak ca an suah zo ih FB ṭuanvonei mipakhat cun, “US rampi hrilawnak thubuai sosang vivo lai ah khawtlang mipi tuahmawh thei in hriamhrei keng ih buainak cangsuakter theitu “Stop the Steal” Facebook group cu kan hlon a si.”

“US rampi hrilawnak hnaihnok thei tu le buainak suak ter theitu an si ruangah an mai` group sungtel hnen in report nak kan dong ih zohciannak kan nei hnu ah kan hlon mi a si” a ti.

Facebook cun vote fir puhmawhawnak ih hman mi le mipi lungthoter sin dingih hman mi Stopthesteal hashtag khal a phit ih an mah vek group dang fate thar a suak sal mi pawl khal zoh ciang in kan kil ṭhepṭhep a si tiah thuthang an suah.

Leave a Reply

Your email address will not be published. Required fields are marked *

error: hahahahahaha !!