US election thawn pehparmi thuthang diklo Facebook ih darhtertambiktu An Phuang Suak

November 3, US rampi hrilawknak thawn pehpar mi thuthang diklo cu Facebook, Twitter le Instagram ah a darh cakbik tiah mithiam pawl cun an sim ih, hih thuthawn pehpar in nonprofit organization Avaaz cun Facebook ih thuthang diklo darhsuakter tambiktu zo a si timi zingzoinak a nei.

The Guardian in Leitlunhuap human-rights pawlkom lak ih rinsantlakbik pakhat a si a timi Avaaz pawlkom ih zirzoi hmuhsuahmi cu The New York Times in a pholang.

Cumi hmuhsuahnak pholangmi ah Facebook ih US election thuhla thuthang diklo darhtertambiktu ahrampi number 1 cu Pu Trump a si tiah an tarlang a si.

Pu Trump fapa upabik Donald Trump Jr. khal number 5 nak ah a tel ih top 5 ah conservative commentator Dan Bongino, Mark Levin le Diamond and Silk Facebook pawl an si ti`n Avaaz phorhsuakmi cu The New York Times in a tarlang a si.

Thuthang diklo tiih an ruah mi cu Pu Trump ih aupimi Daan vek rori ih khihhmuh ngai ding um lo mi, Daan vek rori ih phorhsuah ngai a theih lo mi vote fir puhawknak pawl khi an si.

Avaaz phorhsuakmi thuthang diklo darhtertu tiih tarlangmi FB account top 25 hin Facebook ih election thuthang diklo darhmi zaṭek 25 mawhphurnak an nei tikhalin an tarlang.

Hih thuthawn pehpar in Avaaz ih ṭuanvonei mipakhat cun “Facebook, Twitter le Instagram hin rinsantlak third party Fact checker an nei thluh. Mipakhat in FB ah thuthang diklo a thlah tikah a tar mi tanglam ah thuthang diklo timi theihternak a hranten a lang. Kha mi kha Facebook in a duhduh ih a tuah mi a si lo. Third party rinsantlak FactChecker in zingzoinak an nei hnu ah a diklo timi an theisuak hnu lawng ih langter sawnmi a si.”

“Thuthang diklo timi langter cingin miṭhenkhat cun like an pek ih an comment hlei ah an share sawng bet. US rampi Election ni ihsin tu ni tiang, cuvek thuthang diklo darh mi, 75 million like pek, comment le Share sawng tu an um mi cu thuthang diklo thlahsuaktu account top 25 kan phorh mi pawl ih mawh a si” tiah reddit Q&A section ah a sim a si.

Leave a Reply

Your email address will not be published. Required fields are marked *