EPA pawlkom in Covid 19 nathrik kap that theitu Spray 2 hmin an phuang

Mithaim pawl in Covid 19 suaktertu nathrik (SARS-CoV-2) thatthei danding an zir mi ah nathrik that nakih ṭangkaibikmi sii kap cii (spray) an hmusuak thu, Environmental Protection Agency in an phuang a si.

SARS-CoV-2 virus that nakih ṭhabik an ti mi cu Lysol Disinfectant Spray le Lysol Disinfectant Max Cover Mist (bacteria kapthatnak dingih tuahmi sii kap cii) an si ih minute 2 sung ah nathrik a that thei tiin Environmental Protection Agency cun an phuang a si.

EPA ṭuanvonei pakhat cun, “SARS-CoV-2 cu virus thar a si vekin, test nei dingin tubaite lawngah kan ngah thei ih nathrik thatthei timi sii kap cii tamzet thawn test nak kan nei ih cumi pawl lakah Lysol Disinfectant Spray le Lysol Disinfectant Max Cover Mist hi a ṭangkaibik. A phaw ih an ngan vekin cekcii in kan test ih minute 2 sungah nathrik a thatthei a si” tiin a sim ih a hmangtu pawl cun sii an kapnak cu minute 2 sung hnu lawng ah hnawtfaiding khalin a sim a si.

Environmental Protection Agency (EPA) cu Covid 19 lak ihsin American mipi humhim thei danding le Covid 19 do thei nakding hmanrau thawn pehpar awmi thuhla zingzoi in mipi hnen ih theihternak thuthantu pawlkom an siih American cozah ih rinsan zetmi pawlkom an si.

ref:CNN

Leave a Reply

Your email address will not be published. Required fields are marked *