England ram Biakinn ih tarmi Jesuh hmel cu hitin an Thleng

Leitlunpi ih aupimi Black Lives Matter, cangvaihnak neitu pawl ih forhfial nakin, England ram ih Biakinn (Cathedral) hlun/tarbik sungih tarmi Jesuh zuk cu midum hmang in an thleng a si.

Hertfordshire, St Albans Cathedral zohkhentu Dr Jeffrey John cun, “Biakinn cu vun rong thleidannak, minung thuṭhennak, le hnam thleidan awknak thu simnakding hmun a si lo.”

“Asinan Pathian in amai` hmuihmel kengin in sersiam timi cu kan zum mi le kan zirhawk mi khal a si. Curuangah Pathian mit ahcun mi bangawṭheh kan si” tiin Jesuh le dungthluntu pawl zanriah eilai zuk sungih Jesuh vun rong an thleng san thu cu a sim a si.

Mithaim pawl ih zummi Jesuh hmel

Mithiam pawl in Jesuh cu vunrang siloin Middle Eastern hmelthlak a nei tiin an sim ih Dr Jeffrey John khalin leitlun mifim pawl ih sim vekin Jesuh cu midum, Chinese le Middle Eastern a si khalah Christian pawl in cohlang kan thiam ding a thupizia khal a sim bet a si.

8th Century hrawng ih sak mi St Albans Cathedral

Midun Jesuh zuk suaitu cu England artist hminthang Lorna May Wadsworth a siih a nih khalin “Mithiam pawl in Jesuh hi Middle Eastern hmelthlak a nei tiih lungkim a si.

Jesuh hmel ih hman mi Jamaican-born model Tafari Hinds

“Cucingin, European artist pawl cun kum zateel sung, an mai` hmelthlak keng in Jesuh zuk cu an tuah. Asinan, tuah, mithiam pawl ih simvek bangtheibik dingin Jesuh vung rong cu ka suai a si” tiin a sim.

Zuk suai tu Lorna May Wadsworth

St Albans Cathedral cu UK ram ih biakinn hlunbik a si ih 8th Century hrawng ihsin a rak um zo a si.

ref:ScotPost

Leave a Reply

Your email address will not be published. Required fields are marked *