Elon Musk – “Johnny Depp, In ngam le Thirkulh sungah kan Sualaw ding”

Thiamsang milian Elon Musk cun Hollywood arsi Johnny Depp ih a thuhla relsia mi par ah lungawi loin “thirkulh sung ih sualawk na duh ceng si le in sim aw” a ti.

Johnny Depp le a nupi hlun Amber Heard cu “nupi vuak hmang” ti`n puhaw mi thuhla ah court ah khingaw in an buai rero lai fang a siih, cuih thuhla ah Johnny Depp in “ka nupi hlun thawn kan neiaw laiah kan nu in, in bum ih Elon Musk thawn an uar aw thup” ti`n thuṭhentu hmai ah a sim.

Johnny Depp le a nupi hlun Amber Heard

Cuhleiah an nu thawn an um tlang lai ih Elon Musk hnen, ca a kuat mi “na zahmawh ka lo tan sak ding” timi khal thuṭhentu hmai ah a siar suak ṭheh ih “ka nupi Amber Heard, model hminthang Cara Delevingne, Elon Musk te pathum cu ka inn ah group sex an hmang” ti khalin thuṭhentu hnen ah Johnny Depp in a sim.

Asinan Elon Musk cun “an neiaw lai ah Johnny Depp insangnu Amber Heard thawn kan uar aw thup lo. a dik lo mi a si, cun, a nupi le Cara Delevingne thawn khal, group sex (threesome) kan hmang lo” ti`n The New York Times hnen ah a sim ih, capoh-thungai in “a duh ceng a si le thirkulh sungah kan sualaw ding. A man tik le in sim seh” a ti.

Elon Musk le Amber Heard an thlun aw lai

Nupi vuakhmang ti`n UK hrambun The Sun thuthang cazual ih ngandahmi ruangah Hollywood lemcang hminthang Johnny Depp cun thuthang cazual suahtu News Group Newspapers cu court ah a khing ih, tu ah, a nupi hlun Amber Heard khal telh in court ah an buai rero lai fang a si.

Tu ih an buainak thuhla cu intertainment khawvel ah a lar zet ih MMA star Conor McGregor coach John Kavanagh in Elon Musk hnen ah “sual awding in tiim na tuah duh le in sim aw. Sualawkdan ka lo zirh ding” a ti.

ref:NYTimes

Leave a Reply

Your email address will not be published. Required fields are marked *