Elon Musk ih fapa nunau ah a thlengaw, A pa thawn pehzomawknak bot cat bet

Elon Musk ih fapa Xavier Musk cun Vivian Jenna Wilson tiah hmin thleng dingin L.A. County ah ca a theh lut hlei ah mipa a sinak cu official in nunau ah a thlengaw tum.

Tu kum April thla ah kum 18 kim zo Xavier Musk cu Elon Musk nupi hmasabik fa a si ih nunau ah thlengaw dingin dilnak ca a theh lut zo.

Hmin thleng a dil nak ca ah nunau ah pom a duh thu a ngan ih hmin a thleng nak san khal a ngan tel cih.

Hmin a thleng nak san cu nunau ah a cang duh men ruangah siloin Elon Musk thawn sungkhat si a duh lo ruangah a si ti`n ca theh lut mi hmutu TMZ in a tarlang.

Xavier Musk cu Elon Musk le Justine Wilson tei` fapa a si ih phirpi unau pakhat a nei.

Atufang leitlun milianbik Elon Musk le Justine Wilson cu kum 2000 ah neiaw in, innsangnu sawn in 2008 ah Elon Musk a ṭhen.

Xavier Musk hmin thleng thu cu tuzarh Tlawngkai ninga ah thuṭhenzung ah an nemhnget ding.

Leave a Reply

Your email address will not be published. Required fields are marked *