Ek-inn ih Kum khat le hrek sung kharh khum tuar Innsangnu, Palik in run suak

India : Haryana, Rishpur khua ah Kum 1 le hrek sung ek-inn bi zetih kharh khum tuar numi pakhat cu district women and child welfare department in an runsuak.

Amah hi kum 35 mi a siih a pasal Naresh Kumar thawn kum 17 sung um tlang zo an si. Fa 3 (Kum 15 mi fanu, kum 11 le 13 mi fapa) nei zo a siih thluak lam damlonak a nei ti`n a pasal in ek-inn sungah a khum mi a si.

Naresh Kumar in a nupi cu ek-inn sungah kum 1 luan a khum zo timi thuthang a suak veten district women and child welfare department ṭuanvonei pawl in an va hawl tikah ek-inn ih kharh khum tuar innsang nu cu an va hmusuak ih siizung lam ah tuamhlawm dingin an hruai cih.

Palik ṭuanvonei Gupta cun, “thuthang kan dong veten Naresh Kumar inn cu kan va siim ih ek-inn sungih kharh khum tuar a nupi cu kan runsuak. Rawl ṭhiṭha in an pe lo ruangah a ṭawnṭai tukih ṭha ṭen khal a ding thei lo. Siizung lam ah tuamhlawm ṭha dingin kan kuat ih tu ahcun a sungkhat unau hnen ah a tlung sal zo” a ti.

Innsangpa Naresh Kumar cun a nupi in thluklam buainak a nei ruangah a khum mi sivekin a rel nan a nupi damlonak ca khihhmuhding zianghman a neilo ruangah India IPC sections 498 A, 342 thawn palik in an kai ih zingzoinak an nei peh vivo tum a si.

Hram:Hindustantimes

Leave a Reply

Your email address will not be published. Required fields are marked *

error: hahahahahaha !!