Egypt ah Kum 2500 hrawng rei zo mi ThlanKuang 14 hmusuak

Egypt : Giza pyramids thawn peng 10 hrawng hlatnak ih um Saqqara mual ah Thing thawn tuah mi mithi kuang (sarcophagi) 14 hmuhsuah a si thu, Egypt antiquities ministry in a phuang.

September thla lai hrawng ih mithi kuang 13 hmuhsuahnak kiangkap an lai bet nakah hmuhsuah thar mi a siih kum 2,500 hrawng reizo mi siding an zum.

Thlankuang pawl cu Leivirh mi 11m (36ft) thuk sungah an hmu ih, Saqqara mual ih ThlanKuang hmuhsuah tambik/ropibik a si tiah expert pawl cun an sim.

Kuang pawl cu hlan lai Thing kher thiam pawl in mawi zet ih cei mawi dan vek ciah in hmuhsuak a siih a dang tamzet a um lai ding zum a um thu, Egypt Tourism and Antiquities Minister Khaled al-Anani in a sim ih “kan hmu áš­an thok lawng a si lai. Thuthup tampi kan hmusuak hrih lai ding” a ti.

Leitlun ram tamsawm vek in Egypt ram khal Coronavirus ruangah a tlasia zet. Khualtawngtu an mal ruangah Travel industry sum laklut a mal tukih an ram ah tourist vehvaitu tam sin dingin Covid 19 ruangih phit lawk mi Giza pyramids le archaeological site pawl khal July thla ah an ong sal zo a si.

ref:BBC

Leave a Reply

Your email address will not be published. Required fields are marked *