Duhphorhnak nei Mipi hmang dingin Lungto le Tlakrawh ret hrim?

Midum George Floyd thihnak thawn pehpar in US ramsung hmun tamzet ah duhphorhnak nei rero a si ih a tlaitluangmi ziinzawh duhphorhnak ihsin a hraang mi duhphorhnak a cannak ah hmuhdaan tamzet a um.

Miṭhen cun tuhlan ihsin buai ding in rak timlam ciami a si ding ti zumnak an nei ih George Floyd thihnak hi cu a puakkuai tertu men a si ti khal in an sim.

US ramsung ih buainak cu ramkhel (politician) pawl in caanṭha ah lakin cangvaihnak rak nei thup tu khal an um ding zum a um ti a siih Dallas, Texas sungih buainak hin mipi lung a ti hring sinsin.

Video tawi pakhat an post mi ahcun khawsung lai takah lungto le tlakrawh pungkhawm ih retmi a um. A kiangkap ah le innsak rero lai, ziinpi remnak tivek zianghman a um lo tikah khawsung ah a hraang zawng ih buainak suakter duhtu in ret hrim mi a si ding tiah zumnak nei a si ih Video sung ahcun “hi hmun hi ka thei ciang, tuhlan thlathum hrawng ah hivek lungto le tlakrawh retkhawmmi a um lo. Tuahcun nan hmu vek hi a si. kathei silawm, duhsan neiin timlamnak thawn buaisuak mi a si” tiin buainak dung ih hri kaitu um a zum thu video zuktu cun a ṭong phah.

KhuaVang lai ihsin duhphorhnak nei a siih khawthim veten lungto, tlakrawh le tidaibur cu ruah bang in a sur tiin duhphawrhnak ih ka telve tiawtu mi pakhat khal in a sim.

US ramsung buainak cu tutiang a dai thei ngaingai hrihlo ih inn khang, motor dengsiat le dawrboh in dawr thil firtu khal an tamzet a si.

Ziangtin Na Ruat?

Update : Original video Twitter ih post mi cu an delete sakzo ruangah Youtube Link ta kan run retsal ..

ref : reddit

Leave a Reply

Your email address will not be published. Required fields are marked *