Dothlengnak hrang ralthuam leitumtu an kai
US Justice Department in riit theih sii pawl zuar in Myanmar Tlangpar hriamkai le Sri Lanka hriamkai hrang ralthuam leitum Japan Yakuza misual pawlkom hruaitu Takeshi Ebisawa an kai thu, tlawngkai nili ah an phuang.
Takeshi Ebisawa rualin Thailand rammi mi 3 pawl cu tlawngkai nikhat le nihnih ni (April 4-5) ah New York khawpi ah an kai mi a si.
Riit theih sii thawn pehparin US Drug Enforcement Administration agent in kum 2019 ihsin Thailand ram ah zirzoinak an nei rero zo ih, ralthuam zuar puaisa sivekin lem an cang.
New York ih an kaih zomi misual pawl in United Wa State Army ta riit sii pawl cu Lemcang DEA agent hnen ah an zuar tum ih, cutin an thuhla zirzoi vivo in an Thang kam mi ah an lut ngah.
U.S. Attorney announces arrests of a Yakuza leader and affiliates for international trafficking of narcotics and weapons, including surface-to-air missileshttps://t.co/Rnh6C1t1HI
— US Attorney SDNY (@SDNYnews) April 7, 2022
“2021 Feb. 3 ah Yakuza hruaitu Takeshi Ebisawa le a milai pawl cu Denmark khawpi Copenhagen ah meithal le Tank kapnak ralthuam pawl zoh dingin an tlawng. Ralthuam pawl cu puaisa Lemcang DEA agent le undercover Denmark palik 2 in an hmuh” tiah US Justice Department ih ṭuanvonei mipakhat cun a rel.
Ralthuam pawl cu “Wa” ralkap ta riitsii bungrua zuarnak thawn an lei tum ti a si ih, riitsii cu New York black market ih zuar sawng sin dingin an dawr aw tum ti a si.
Takeshi Ebisawa ih ralthuam leitummi cu automatic meithal, rocket, machine gun, Vanzam kahnak missile tipawl a si ih UWSA, Karen National Union, Shan State Army telin Kawlram Tlangpar hriamkai pawlkom ṭhenkhat le Sri Lanka ram ih Tamil Tigers hriamkai pawl hrangah a lei tum ti`n US Justice Department ṭuanvoneitu cun a ti.
Ralthuam leitum Yakuza hruaitu Takeshi Ebisawa le a ho pawl hi ziangtin US ram ah an thleng thei timi cu US Justice Department thusuahmi ah an ngan tel lo.
Yakuza boss is busted in NYC sting 'for trying to buy surface-to-air MISSILES stolen from a military base in Afghanistan https://t.co/i2t9bwMQRI
— Daily Mail US (@DailyMail) April 8, 2022
