Donald Trump in Nehnak a co lo a si le US ram ka suah san ding – Lil Pump

Rapper hminthang Lil Pump cun tukum US rampi hrilawknak ah Donald Trump in nehnak a co lo a si le US ram suahsan a tum thu a rel suak.

Lil Pump cun Trump 2020 lukhuh sen khuh phah in “Trump in nehnak a co lo a si le hih hmun ka suah san ding ih Colombia ah ka feh ding” a ti.

Tleirawl duh co zet mi “Gucci Gang” hla saktu Lil Pump cu November 1 ni ih Pu Trump te campaign tuahnak hmun Florida ah a va telpi hai ve ih hivek dinhmun tiang rorin Pu Trump te cangvainak ih a tel ruangah a fan pawl cun Pu Trump an din pi phah thluh ding ti`n zumnak a um a si.

Hitiih Pu Trump a dinpinak san cu Biden le Trump tax plan a hliahkhaih ruangah a si. Pu Trump in ka tlin sal a si le Tax niam thei tawk in ka tuah ding a ti lai ah Biden cun milian sum laklut ṭha pawl Tax tampi ka pek ter ding a ti ruangah Lil Pump cun tuvekin Pu Trump a dinpi nak san a si.

Rapper 50 cent khal in kan dung october thla ah TV ih suah mi Biden Tax plan a hmu ruangah Donald Trump ka vote ding ti`n mipi a theih ter a si. (Fox)

Leave a Reply

Your email address will not be published. Required fields are marked *

error: hahahahahaha !!