Donald Trump in nehnak a co dingih Kum 5 hnu ah Leitlun ah siatralnak a thleng ding – Evan Pat Robertson

Televangelist hminthang Pat Robertson cun 2020, US rampi hrilawnak ah Donald Trump in nehnak a co dingih kum 5 hnu hrawng ah van boruak ihsin rung tlak mi Lungtum (asteroid) in Leilungpi a siat suah ding a ti.

“The 700 Club” TV show/online ah a sim mi a si ih Televangelist Pat Robertson cun”sutrel hran ṭul lo in 2020, rampi hrilawnak ah Donald Trump a cak ding ih Leitlun ah remdaihnak kum 5 sung hrawng a um ding” a ti.

“Tlangpuppi ko ka sim ding, Kan mah minung pawl in nuclear le ralthuam hriamhrei thawn Leilungpi siatsuah ding cu a siang zik lo. Curuangah Pathian ṭongkam famkimding cun Lei par ah asteroid tlak in voilekhat ih siatralnak rapthlak a thlen a ṭul” ti`n Televangelist Pat Robertson cun a sim ih “Leilungpi a tawp ding ni khal a si men thei” a ti.

Televangelist Pat Robertson sim dah mi ṭhenkhat

1976 : “Kum 1982, October le November thla kar lak ah Leilungpi a siat/tawp ding” ti`n a sim ih, 1980 khalah “1982 kum cem lam ah Leitlun ah thuṭhen ni a thleng tengteng ding” ti`n Televangelist Pat Robertson cun “The 700 Club” boardcast ah a rak rel dah.

1990 : “April 27, 2007 ah Leitlun ih minung cii a mit thluh ding” ti`n “The New Millennium” cabu sungah a ngan.

2011 : Kum 2012 ah Leilungpi a tawp ding ti`n a rel.

Covid 19 thawn peh par in “Liberal policies a hua ruangah Pathian in hremnak a pek mi a si” a ti.

Leitlun huap thuthang danglam a suak tinten a si lo zawng in simfiahnak a nei ringring ruang ah miṭhen khat cun Lar duh sinnak le sum hawlnak ah Pathian hmin a hmang sawn mi sidiang an ti.

The 700 Club
Christian Broadcasting Network, Trinity Broadcasting Network, Freeform thawn ṭuan tlang an siih 1966 kum lam in cangvaihnak an rak nei thok zo.

Tu ni tiang Hramhnget zet ih dinglaimi a si ih nikhat ah viewers 650,000 hrawng an um ringring tiah wikipedia ah an ngan.

Leave a Reply

Your email address will not be published. Required fields are marked *