Donald Trump dinpitu tamtuk ruangah An Cet Lawng a pil phah

US rampi hrilawnak hrangih Donald Trump dinpitu minung tamzet cun nehding zumnak Thantar thlir in Lake Travis tipi par ah cangviahnak an nei ih an to mi cet Lawng ṭhenkhat an cangsual tiah US ram media in an tarlang.

Texas, Lake Travis tipi ih cangvaihnak cu zarhte ni ah an tuah ih Minnesota, Florida le New Jersey pawl khalah “Pu Trump in nehnak a co ding” ti`h ngan mi Thantar thawn mipi tamzet in cangvaihnak an nei.

Lake Travis tipi ih cet Lawng pil mi thuthawn pehpar in “mi tamzet kan runsuak. Lake Travis tipi ah cet Lawng cangsual in an pil tin call kan dongih kan officer pawl in tidai sung in mi tamzet an runsuak” tiah Travis County Sheriff Office in twitter ah a tarlang.

The New York Times cun amalbik cet Lawng 4 tal an pil ti`n a ngan ih khawngaw hrimhmatuar an um lo a ti.

Austin-Travis County Emergency Medical Services ṭuanvonei Christa Stedman cun, “Minung an tam tuk. Cet Lawng khal a tamzet. Voikhat feh in an fehsuak tlang hai tikah tisuar a tho ih Lawng ṭhenkhat an pil. Sunpadir nazi 12 luan hrawngin phone call kan dong thok ih meithat officer pawl in ti sung in mi tamzet an runsuak” a ti.

US rampi hrilawk ni a nai vivo thlang ih Donald Trump president ṭuanpehzom duhtu mipi in tulai ah nasaten cangvaihnak an nei ih September 7, zarhpi ni khalah Pu Trump dinpitu mipi pawl cun Potomac tipi ah cangvaihnak an nei tumsaal tiah NY Times in a tarlang.

Leave a Reply

Your email address will not be published. Required fields are marked *