Donald John Trump in US President umnak Innraangpi suahsan

US President Donald Trump cun January 20 zinglam nazi 8 hrawng ah US President umnak Innrangpi a suah san ih Joint Base Andrews lam pan in Marine One helicopter thawn a zam suak.

A poksuak hlan ah US President dinhmun tiang a thleng ban thei mi hi a ropi a ti zet thu, a nupi Melania Trump thawn American rampi le a mipi duhdawt zettu an si thu le Prince George County, Maryland ih um United States military facility Joint Base Andrews ihsin Air Force One vanzam thawn Florida pan ih a zamsuak ding thu, media hnen ah a sim.

Pu Trump hin tui`ni tiangah 2020 US rampi hrilawknak ah ka cak lo ti a ṭongsuak hrih lo ih President thar si dingmi Joe Biden lawmnak thu khal a rel suak hrih lo.

January 20, US President thuneihnak hlanawknak khal ah a tel tum lo ih US ram san thuanthu ih President thuneihnak hlanawk ni ih tel theilo President 4 nak a si.

Leave a Reply

Your email address will not be published. Required fields are marked *

error: hahahahahaha !!