Donald John Trump in Political Party thar a din tum

US President hlun sithlang dingmi Donald John Trump cun White House a suahsan hnu in political party thar a din tum tiah The Wall Street Journal in a tarlang.

Party thar dinsuahding thuhla cu hnaṭuanpi a lamṭang pawl le a naivai ih hnaṭuan pawl thawn kan dung zarh lam in an rel thok zo ti a si ih Party hmin cu “Patriot Party” ti`n an ko tum tikhalin an tarlang a si.

Ramkhel mithiam ṭhenkhat cun Pu Trump telnak party a simi Republican party sungtel ṭhenkhat in a thu an dokalh ruangah tuvekin hmalaknak a nei tum mi a si tiah an sim.

Ziangvek zumnak thuken an fehpi ding, khawi hmun in hram an ṭan ding, a thluntumtu an tam pei maw tvk cu theih a si hrih lo nan January 6 ih thil thleng le cuih ni buainak khaiso hrih laitu an tam laizai zohin a thlun duhtu an tam ding tiah zumnak a um a si.

45th nak U.S. President Donald John Trump cu January 20 sunpadir nazi 12 hnu in President thuneihnak lon a si dingih 2020 US rampi hrilawknak ih nehnak cotu Joe Biden in 46th nak U.S. President a ṭuan thok ding a si.

Leave a Reply

Your email address will not be published. Required fields are marked *