Disney company mit laak zettu Tleirawl pa te

Mahten video editing zir cawp in TikTok video Twitter ih thlahtu Georgia State University ih tlaawngkai Julian Bass (20) cu zumumlo zetin a sunmang atakin a famkim.

TikTok app hamngin Video a tuah mi cu Twitter ah a thlah ih “Desney company ih theihpinak nei ding tiang in share sak asile ka lung awi zet ding” tiin a ngan ih a video tuah mi cu zumumlo khawp in social media ah a lar ih Sony company, lemcang hminthang Matthew Cherry, Josh Gad, Ben 10 zuknung aw suahtu Tara Strong, Guardians of the Galaxy director James Gunn le a beisei bikmi Disney company tiangin an rak share, comment sak ih nikhat thil thu ah a hminthang cih.

Video sung ahcun Star wars movie ih Jedi namte hmang in Ben 10 le spider-man ah a caang vivo ih video editing hmandan le mawi, cangvaihdan le mawi hlei ah background music ih a hmang mi Harry Style hla Watermelon Sugar cun a video a ti picang sinsin ruangah a video zohtu pawl cu an lungkim zet.

A video cu second 20 sung lawng a si nan, a edit dan a mawi tuk ruangah The Walt Disney Company Executive Chairman in “leilungpi in na hmin an thei thlang ding” tiin a comment. A video zohtu 22 million an luan zo.

Time company nih interview a nei nakah, “VFX hmandan tamsawn cu keimahten ka zir. Zuknung tuahdan thawn pehpar mi tlaawng khal ka kai dahlo” tiin Julian Bass cun a sim.

Amah cun, “Thil thar zir vivo hi ka peih zawng a si. Asinan Ben 10 alien, CGI thawn tuahcawpmi zuknung, Spider-Man effect tivek tuah ding ka ruat dahlo. Nan, Harry Style hla ‘Watermelon Sugar’ ka ngai nakin idea thar a suak ih ka tuah mi a si. Kum 11 ka si lai ihsin video editng le technology khawvel ah ka lut zo” tiin a sim.

Lavc57.48.101

Hivekin, nikhat thil thu ah na lar cih hi na mangbang maw tiih an sut mi ah, “ka mangbang pam. Hivek dinhmun ka thleng ding tihi ruat khal ka ruat dahlo. Hmasabik ah follower tamzet neitu hminthang Lonely Island in, ka video cu in share sak ih an fans pawl in an share sawng vivo. Nazi 5 hrawng rei hnu ah Disney CEO Bob Iger in a share ka hmu cu ka aa tum thluh in ka thei. Vuk, tirorin mitṭhep kaarah ka nun a thleng cih” tiin a sim.

“Tui` dinhmun hin ka nun tamzet a danglam terih hmailam hrang ah ruahsannak in pe. Ka zuam sinsin dingih nikhat ninii ah ka tumtah mi ah ka thleng suak leh ka beisei” tiin Julian Bass cun a sim a si.

ref:IntheKnown,HighCeleb,wiki

Leave a Reply

Your email address will not be published. Required fields are marked *