Delhi mipi in Thla 1 sung LockDown neisal duh, Cozah in nei tumlo

Leitlun ram ṭhenkhat ah Covid – 19 nathrik a dem vivo nan India ramsung hmun ṭhenkhat ahcun a karhzai vivo ṭanthok ih virus karhcak cuangnak Delhi khawlipi mipi cun thlakhat tal lockdown neisal, an duhnak cu survey tuahnak ihsin hmuhsuak a si.

Mipi in Lockdown an duh le duhlo survey tuahnak cahmai

Hitiih nathrik karhzainak ruangih mipi thinphang laiah June 18 ihsin lockdown neiṭan salding tiin thuleng a um lawk nan Delhi Chief Ministers Arvind Kejriwal in a um lo ding thu simthannak a neisal ruangah survey an neinak a siih Virus karhzai cak cuangnak Delhi, Mumbai, Chennai tvp ih mipi tamsawn cun lockdown an duh salthu hmuhsuak a si.

Lockdown ṭansalding timi thuleng cu adiklo

Delhi nathrik karhzai cuangnak hmun ṭhenkhat pawl ah cu lockdown tuah tho a si nan, tuih survey hmuhsuahnak ahcun khawpi huap zawng ih lockdown tuah dingin Delhi mipi tamsawn in an duh mi a si.

Tuah, Delhi sungih covid – 19 natkai mipum 44,688 an um ih cupawl lak ihsin 2354 damsuak in 1837 mithi an um a si.

(IDTD)

Leave a Reply

Your email address will not be published. Required fields are marked *