Delhi KhawLai Lakah ISIS Ralhrang Cang Vai

Delhi khualipi lailak, Dhaula Kuan le Karol Bagh karlak ah ISIS ralhrang an cangvai ih Delhi palik thawn mizaan tlaihnu ah an kapaw tiah theih a si.

Delhi palik cun, “motorcycle a to ih motor thawn kan dawi. Kan kapaw hnu ah kan kai ngah. Amah cu Uttar Pradesh ih um Abdul Yusuf Khan a si” ti`n official in media hnen ah an sim.

Abdul Yusuf Khan cun inn ih tuahcawp Improvised Explosive Devices (IEDs) boom pahnih a phur tel ih a puah man hlan ah an kaingah a si.

National Security Guard (NSG) commandos le Bomb Disposal Squad (BDS) hoha nakin Abdul Yusuf Khan an kai nak kiangkap pawl ah boom dang hawl in an cangvai rero lai ih an kaingah mi boom pahnih khal a phelh danding an tawlrel laifang a si.

ISIS ralhrang Abdul Yusuf Khan in rualpi a nei bet ding an zum ruangah Delhi palik cun Uttar Pradesh ramkulh lam khal ah thuthannak an nei ih lamziin ih motor mawng vaksukso pawl khal kham phah in ISIS ralhrang dang an hawl rero.

Uttar Pradesh ramkulh sung khal ah palik lam in, nasaten cangvaihnak an nei ih Tlangleng colhhmun, riahbuuk, biakinn kerkawm tiang bih vivo in ISIS ralhrang le boom an hawl rero laifang a si.

ref:ANI

Leave a Reply

Your email address will not be published. Required fields are marked *