Delhi ihsin Bengaluru lam pan mi Vanzam par ah numi pakhat in naute nei suak

October 7, Delhi ihsin Bengaluru lam pan ih zuang mi IndiGo 6E 122 Vanzam par ah numi pakhat in fapa te a hring.

“Delhi ihsin Bangalore lam pan mi flight 6E 122 vanzam par ah numi pakhat in a neih cuu hrih lo mi fapa te cu tluang zet in a nei suak” tiah IndiGo vanzam ih ṭuanvonei mi pakhat in Hindustan Times hnen ah a sim.

Vanzam tovetu mi pakhat khal in “Bangalore lam pan mi Vanzam @IndiGo6E 6E 122 ah numi pakhat in fapa te tluang zet in a nei suak. Vanzam ih hnṭuan pawl uar an um zet. Caan reilo te sungah Vanzam sung cu siizung ah an can ih naute ṭap awn kan thei. Vanṭhatthlak zetin Vanzam totu lakah Dr pakhat a rak tel ve. Amah in a buaipi ih naute cu tluang zetin a paing ta” ti`n social media ah a ngan.

September thla khal ah Cairo ihsin London lam pan ih zuang mi EgyptAir flight MS777 Vanzam par ah passenger Hiyam Nasr Naji Daaban in naute a rak hringsuak dah.

Lamziin lailak ah a pum na thut ih Germany, Munich lam ih an ṭumpi tum lai fangah naute a hring suak.

EgyptAir flight in lungawipinak ca an tarlang ih Vanzam par ih suak mi naute cu Munich khua lam pan mi EgyptAir flights hmuahhmuah ah a dam sung a lak ih to thei dingin an tawlrel sak thu an tarlang.

Leave a Reply

Your email address will not be published. Required fields are marked *