Delhi ah Bird flu nat an hmu thok, Mipi le Cozahpi an thin phang ih hmalaknak nei cih
Vate thi lakih sample 109 zohciangnak an nei mi ah Bird flu positive 8 a tel tiah theih a si.
Delhi : Cozahpi in hmun him tiih a ruah mi Mayur Vihar Phase 2, Sanjay Lake Park ah rampei thi 17 an hmu ih Delhi cozah a thinphang thok.
Cuih hmun cu hmun ṭihnung a si ti`n phit cih a si ih January 11, tlawngkai nikhat zianglam nazi 8 in vate thi an hmunak kiangkap ih vate pawl cu an that ciamco thok. A kiangkap naivai khal ah hmalaknak an nei cih tum thu Delhi cozah in a phuang.
Bird flu confirmed in 7 states; test results of Delhi, Maharashtra samples awaited
Read: https://t.co/7pVLvwuOGG pic.twitter.com/wwSe5PQKCO
— The Times Of India (@timesofindia) January 10, 2021
Delhi park tamsawn fingkhawitu Delhi Development Authority in January 9 zarhteni ah bird flu karhzai theinak tiih a ruah mi Hauz Khaz, Dwarka Sector 9, Hastsal le Sanjay Lake ih park ṭhenkhat cu a rak phit zo.
Animal husbandry department ih ṭuanvonei Dr Rakesh cun “National Institute of High Security Animal Disease ih kan kuat mi sample 109 ah avian influenza (bird flu) positive 8 an hmu. Pakhat lawng a um hman ah hmalaknak nei cih ṭul dinhmun a si” a ti.
Bird flu postive 8 cu Tlangak thi pakhat le Sanjay Lake park a si mi Mayur Vihar Phase 2, Dwarka Sector 9, Mayur Vihar Phase 3 ih rampei thi pawl an si tikhalin a sim hrih.
Bird flu fear in Delhi after over 50 crows are found dead in Mayur Vihar, Dwarka, Uttam Nagar
ThePrint’s @AneeshaBedi reportshttps://t.co/WIPr5SgdjL
— ThePrintIndia (@ThePrintIndia) January 8, 2021
Tuhlan ni 4 ah Delhi khawlipi hmun dangdang ah a bur ih vate thi 140 lenglo an hmusuak ih Bird Flu nat ruangih thimi an si pang ah ti`n cozahpi in vate nung zuartelnak Ghazipur wholesale bazaar cu ni 10 sung a phit ter. Culodang vate nung zuarnak blackmarket tamzet khal an phit ter thluh ih a thupten cangvainak neitu cu nasaten hremnak kan pek ding ti`n Delhi cozahpi in thu a suah.
Kandung bai hrawng in India rampi hmun ṭhenkhat ah simfiah theih loin a burbur in vate an thi ciamco. January 6 ih an hmu mi Kanpur ramsa hmuan ih vate thi 4 le a kiangkap zohciangnak an nei mi ah Bird Flu H-5 virus neh an hmu.
The process of culling birds in and around #Kanpur zoo has started after bird flu was confirmed in jungle fowls.
The zoo officials have been directed to ensure that the remaining birds are culled by Sunday evening. pic.twitter.com/wGh7JKkSeX
— IANS Tweets (@ians_india) January 10, 2021
Covid boruak thawn Bird flu nat a suak bet cun minung hrang ah ṭihnung thei dinhmun a si tiih ruahnak a um ruangah Kanpur ramsa hmuan cu ni 15 sung an phit ih, tuah, vate thi an hmunak kiangkap ih vate hmuahhmuah cu that ṭheh dingin India cozahpi in thu a suah.
Hih thuthawn pehpar in Siivai lam thiamsang Dr Anil Kumar cun “Bird Flu nat karh lo dingih thlundingmi cu Covid dokhamdan thawn an bangaw sawhsawh.”
“Covid hnakih ṭihnungmi karhzailo dingcun hmaikhuh, social distancing le sanitizer hman thotho hi a si.” a ti.
