Danglam zetin Vuui 360 thi, Thihsan thei lo

Southern Africa, Botswana ih Vuui 360 pawl cu danglam zetin an thi.

May thla hrawng ihsin an thi thok ih tu ni tiang 360 pawl an thi zo a si.

Hramlak ramsa kilkhawitu pawl in vanzam thawn ramsa pawl vehvainak an nei lai ih an hmusuak mi a siih voikhat an zam nakah Vuui thi 169 an hmu.

Ṭhenkhat cu tidai kiangah, lamziin lai le thingkung hngohsan phah ih thi khal an um ih Botswana cozah khal in tidanding a thei lo.

United Kingdom charity National Park Rescue director Niall McCann cun “hivek ih Vuui thihdaan danglam ka hmu dahlo. An hmur in leilung nawr phah ih thi khal an um.”

Nisa le in-ding tidai umlo ruangih thi mi le an si lo. A thi lomi Vuui pawl khal an ciangkuang lo. A ṭhen cu hmundang fehnakding theilomi vekin cawl loin an her kualaw rero” tiin a sim.

Misual pawl in Vuui ho duh ruangah a thupten Vuui pawl an that ṭheu. Asinan, tu ih thi mi Vuui pawl cu an taksa khal a him. An ho khal a um.

An thih naksan cu khukrul ruang khal ah a si thei. Covid – 19 ruangih thi an si lo ding tin khal simtheih a si lo. Kiangkap khua mipi harhdamnak hrang khal ah ṭih a nung men thei” tiin Niall McCann cun a sim bet.

Tu ah, ramsa lam ih fimthiam pawl le cozah komawin zingzoinak nei rero a siih tuhnu rei hlan ah Vuui pawl ih thihnaksan cu an theisuak ding zum a um a si.

ref:CNN

Leave a Reply

Your email address will not be published. Required fields are marked *

error: hahahahahaha !!