Cuap siatṭhehtu Ewan Fisher in E-cigarettes Ṭih Nung Zia Sim Suak

UK ram mi Ewan Fisher (kum 19) cu kuakfawh bansan tum in thla 6 sung E-cigarettes a fawp hnu ah cuap lam damlonak thawn besia zetin siizung a thleng.

Kum 16 a si lai ih thilthleng a siih GCSE exams nei ding zaan khat duh ah thawsam dam loin a um ih a nunnak hrang tiang tihnung besia dinhmun a si ruangah zarh 10 sung sizung ah an enkol.

E-cigarettes a fawp ruangah a cuap cu kum 80 sung kuakfawp pawl ih cuap vekah a cang ih tuahcawp/remcawp cuap an thlengsak hnu ah a nung thei ṭawkṭawk sal.

E-cigarettes cu kuak pangai hnakin zaṭek 95% a him sawn ti`n mithiam pawl in an sim nan, Ewan Fisher cuap siat cu
E-cigarettes sungih telmi chemical ruangah a si ti`n a tuamhlawmtu Dr pawl cun an sim.

Hlanlai le a tu dinhmun

Ewan Fisher cu boxing lehpannak peih zettu a siih pumcawm nakah hmangin leh thok a tum ruangah kuakfawp bansan in E-cigarettes a fawp mi a si. Amah cun, “thla 6 sung lawng ka fawp nan ka cuap a rak siat ṭheh man. Tu cu tuahcawp cuap ‘artificial lung’ in bun sak.”

“Kum 2 sungah a ṭha ṭheh salding in ti. Kum 4 a kim thlang nan, ka cuap cu zakṭek 60% hman a recover thei lo. Malte kacang le thawthawt ka harsa ih ka bang cih. Kuak fawpnak kum 40 rei zo mi ka pu (kum 65) hnakin ka ṭawnṭai sawn” a ti.

Ewan Fisher cu a nun danglam tertu E-cigarettes fawp ṭihnung zia a theifiang ruangah a bansan vurvo hngalh ih, tu ah, UK ramsung mino pawl ih zohṭhim mi le E-cigarettes fawp ṭihnung zia aupitu ah a rung cang leh a si.

ref:TheSun

Leave a Reply

Your email address will not be published. Required fields are marked *