Cristiano Ronaldo in a rual ṭha Khabib a din pi

MMA fans pawl ih hngakhlap zet mi Khabib Nurmagomedov Vs. Justin Gaethje sual aw ding ni, October 24 a nai cuahco thlang. Fight of the year candidate ah tel ban ve ding khawp ih ruah mi a si vekin an thuhla online MMA khawvel ah an rel thaw zet.

Zo a cak sawn ding ti`n Lehpannak khawvel ih hminthang MMA ngaihventu ṭhenkhat cu an fan pawl in an sut celcel ih football star Cristiano Ronaldo khal Instagram live video a thlah lai ah a fan pakhat in thusutnak a nei.

@vukoje.mma timi hmin thawn Instagram hmangtu cun “Unau, Khabib maw Gaethje in neh nak co ding na zum” a ti ih Ronaldo cun “Khabib famteh, Ka unaupa Khabib in a neh ding” a ti.

 

View this post on Instagram

 

I asked Cristiano who he got Gaethje vs. Khabib, here’s his answer! @cristiano @khabib_nurmagomedov

A post shared by Your #1 Fight Source (@vukoje.mma) on

Cristiano Ronaldo le MMA
MMA lehpannak a zoh ve ṭheu ih Conor McGregor thawn tla rualṭha an rak si dah. Conor traning nak hmun rori ah feh in a va zuk pi dah. Nan, online ih an ngan vek a si le tu ahcun an ngaihaw vak lo abang.

Real Madrid ih a lek lai ihsin Real Madrid ṭan zettu Khabib thawn an thei aw thok ih voi tamzet tongaw in an zuk aw tlang.

Cristiano Ronaldo in Khabib instagram a follow thok hnu in rualṭha ah an cang. Khabib in an komaw thok dan cu sportbible hnen ah a sim ih, amah cun,

“Ronaldo in na instagram a lo follow tin in sim ih capoh ah ka ruat lawk. Follower ka vun zoh ciamco cu a hmin a rak um ngaingai. Ka rualpi pawl thawn messange kan kuat sin ding kan ti ih kan vun kuat cu in reply cih lohli ih kan mangbang zet.” a ti.

An pahnih in an ngai sang aw veve ih Khabib hmin khen mi angki le Ronaldo hmin khen mi bawlung khal an rak thleng aw dah a si.

Leave a Reply

Your email address will not be published. Required fields are marked *