COVID-19 Vaccine : Russia Mithiam pawl in hlawhtling zetin test nak nei suak

Leitlun cawkbuaitu Covid – 19 suakpek ihsin mithiam pawl in nat damtertheinak sii hawl in an buai vutvo ih, tu ah, coronavirus suaknak thla 6 luan hnu ah Russia mithiam pawl in Covid – 19 vaccine (Kaakuaisii) test nak hlawhtling zetin an nei thei thu an phuang a si.

“Leitlun mithiam tamzet in minung taksa par ah Covid – 19 vaccine test nak an nei. Nan, hlawhtling zetih test nak nei suak theitu cu Russia mithiam pawl lawng an si” tiin Russia news agency TASS in a phuang.

Voi 1 test nak cu Burdenko Military Hospital ah an tuah ih, hlawhtling ko ih an test suaknak cu Sechenov, Moscow State Medical University ah a si.

Sechenov University ih research neinak hotu Smolyarchuk cun, “research kan neinak cu hlawhtlingten kan ṭheh suak a si. Test nei dingih volunteer tu mipum 20 pawl khal July 15 le 20 ah an suak thluh thlang ding” tiin a sim.

Asinan tu ih test nak an nei mi cu mipum 20 taksa par ah a si. WHO cun khawtlang mipi hrang ih hman dingmi vaccine cu mipum 20, mipum 100, mipum 1000 tin a dotdot te ih test nak nei hnu lawng ah rintlak a si ding tiih a rak phuang zomi vekin test nak an nei peh vivo hnu lawng ah official in an suah thei ding a si.

ref:TOI,IT

Leave a Reply

Your email address will not be published. Required fields are marked *