Covid 19 vaccine phur tu ding Vanzam a cangvai thok
Emergency hrang hmang thok dingih dil mi Covid 19 vaccine cu U.S. Food and Drug Administration lam in hmansiannak a pe hrih lo nan US ramsung le Europe ram lam ih tlangzarh danding an tawlrel thok zo tiah abc news in a ngan.
Tlangzarhnak dingah American Airlines in hmalaknak a nei ih a phur danding khal zirnak an nei rero zo a si. Phursuak tikah buaibainak umlo dingin Miami ihsin South America ah Siivai phur sin in voikhat an zam zo.
American Airlines said in a statement Friday it has successfully completed a trial flight of a coronavirus vaccine from Miami to South America. https://t.co/Ou3U1Po0B4
— WFAA (@wfaa) November 27, 2020
American Airlines CEO Doug Parker in “vaccine cu Vurkuang pangai hnak ih dai ah ret a ṭul. Vur ro thawn Minus 94 degrees Fahrenheit dai terin thermal box thawn phur ding a si. Curuangah kan phur tikah buaibainak umlo dingin kan vanzam cu Siivai phur in ka zam sin ter zo ih kan lam a tluang zet”
“Siivai phur tikih kilkhawituding a hlum/dai control thiam kan company team member khal kan thlah zo ih Federal Aviation Administration thawn hna an ṭuan tlang ding” a ti.
Ziangtikin Covid 19 dokhamsii an hmang thok ding ti cu theihcian a si lo nan US ramsung media pawl ih ngan vek a si le December thla sung ah a suak thei ding ti a si.
Hmaisabiknak Covid 19 vaccine tlangzarh ding mi cu Pfizer company ih tuah mi a si ih U.S. Food and Drug Administration lam in hmansiannak an pek hnu nazi kaar sungah tlangzarhnak an nei thok cih tum tiah ABC news in a ngan.
American Airlines said in a statement Friday that they had taken a number of steps to deal with vaccines that must be kept at ultra-low temperatures. Pfizer has said it plans to ship its vaccine at minus-70 degrees Celsius (minus-94 degrees Fahrenheit). https://t.co/SLe8cv59wc
— NewsWest9 (@newswest9) November 28, 2020
