Covid 19 Suahkehdan zirzoi dingin WHO palai pawl Wuhan ah thlengsuak zo + Leitlun huap dinhmun
Covid 19 nathrik suahkehdan zingzoi dingin WHO pawlkom ih thlah mi leitlun huap thiamsang mi 10 cu Covid 19 nathrik hmu hmaisabik nak Wuhan khua ah zingzoinak nei dingin an thleng suak zo.
World Health Organization ih palai thlah mi thiamsang mipahra cu United States, Australia, Germany, Japan, Britain, Russia, Nertherland, Qatar le Vietnam rammi pawl an siih Virus le thildang ih thiamsang hlir an si.
WHO team arrives in Wuhan to investigate pandemic origins by @AP @huizhong_wu
@ArtSS_Sydney @Usyd_ssps https://t.co/bUbcvlEZru— Adam Kamradt-Scott (@adamkams) January 14, 2021
China ram cun Covid 19 nathrik cu ramdang ihsi laklutmi seafood lak ihsin a suak thok mi a si tiah an phuang nan cuih ruahnak cu scientist mithiamsang pawl in an pom lo.
Australia ram in palai thlah ih zingzoinak nei dingin China hnen ah a rak dil dah nan Cozahpi in a duh lo hlei ah an ramhnih dawraw ṭheu mi ei/in laklut/suaknak riangri a rak phit sak thluh.
Tuṭum, WHO ih thlah mi palai pawl khal Visa puhmawh in an ramsung ah a lut sianglo lawk. Cutiih hmalaknak a nei mi hin mipi a ti lunghring sinsin ih thildiklo tuahmi an nei ruangah an ram ih lut an siang lomi a si ti`n soisel an hlawh zet.
China Floats Covid-19 Theories That Point to Foreign Origins, Frozen Food https://t.co/xFm3Sz4kk9
— Lifeboat Foundation (@LifeboatHQ) January 2, 2021
Mi ṭhenkhat cun SARS (Severe Acute Respiratory Syndrome) natnak a suak ṭum kum 2003 hnu in, bet coronaviruses genetic information an retnak Wuhan Institure of Virology ihsin Covid 19 a suak thok a si tiah zumnak an nei ih, tuṭum, WHO palai thlahmi pawl khalin cuih hmun ihsin zingzoinak an nei thok ding tiah zumnak a um a si.
Covid 19 suahkehdan zingzoinak thu thawn pehpar in Taiwan, Chang Gung University ih researcher Shin-Ru Shih cun “hmailam hrang ruatin China cozahpi in ziinkau zet a ongsak hai a ṭul. Culawngah hivek pulhnat suak leh theimi hrangah timlamnak kan nei cia thei ding. Cun, tucaan hi puhmawhawk caan a si lo. Nangmah ruangah, an mah ruangah tiih puhawk caan a si lo. Kan hmailam ruat in lungrual ten ṭuantlang caan a si” a ti.
The 10-member team sent to Wuhan by the World Health Organization was approved by President Xi Jinping’s government after months of diplomatic wrangling. https://t.co/0OCnFAZ9bU
— KSDK News (@ksdknews) January 14, 2021
WHO ih thlah mi palai pawl cu China cozah in zingtlukin lamziin kau a ong sak ding ti cu theihcian a si hrih lo ih an mah China cozah lam cun “kan ram ih zingzoinak nan nei bangin hmundang khal ah zingzoinak nan nei ṭul” an ti.
WHO palai pawl cu, tu ah, Quarantine Facility ah khum sung hrih an siih China scientist le cozah ṭuanvonei ṭhenkhat thawn video conference nak nei in an biakaw thokzo a si.
Tui dinhmun ah Leitlun huap in Covid 19 mina 92.3 Million an um zo ih, cumi ah 51 million damsal in minung 1.98 million an thi zo a si.
