Covid 19 ruangah KFC tag line “Finger Lickin`” An Malh

Fast food product hminthang KFC cun Covid 19 ruangah a hmin thawn koprual ih a telh ringring mi tag line “Its Finger Lickin` Good” timi catluan ṭhenkhat cu camkhat sung a malh lawk ih a rem dan zir in a hmang tum leh thu a phuang.

Covid 19 nathrik kai lo dingin kan Mit, Hnar le Kaa pawl cu kan kut thawn tham lo ding ti a siih, “It`s Finger Lickin` Good” timi KFC tag line thawn a mil aw lo ti`n camkhat sung an malh nak a si.

Covid 19 nathrik suakpek ihsin thlun dingmi Daan an tuah mi le KFC thehlarnak a mil aw lo tiih complaints ca 163 a rak um dah zo.

Hih thu thawn pehpar in, “kan hmang mi iconic slogan ‘It`s Finger Lickin` Good’ timi le tulai boruak a mil aw lo ruangah TV, Online, Social media ih thehlarnak, Billboard thawn thehlarnak kan nei mi pawl khalah “Finger Lickin`” timi langlo dingin kan malh a si” ti`n KFC company cun mipi a theihter ih “a hman saal ding remcang kan ti caan ah kan hmang leh ding” tiah an tarlang.

KFC cu 1930 kum ah Harland Saunders in a hmusuak mi a siih 1950 kum ah a dawr an ong thok.

Cuih ṭum ihsin “It`s Finger Lickin’ Good” slogan an hmang thok ih 1990 kum ah remcaanlonak ruangah an hmang lo lawk. Nan, 2008 kum ah an hmang ṭan lala.

KFC cu Pizza Hut neitu Yum! Brands fast food company ta a siih leitlun huap in 22,500 outlets dawr an nei a si.

Leave a Reply

Your email address will not be published. Required fields are marked *