Covid 19 Negative Certificate Calem suah dingin Nawhthuh Ei (+video)

Covid – 19 lakah ziangtin kam humhimaw theiding, Khawtlang mipi pawl khal ralring zetih umdingin le Covid – 19 thawn pehparin zirhawknak an tuah rero lai ah, India, UP, Meerut khua ih siizung pakhat cun Covid – 19 negative theihpinak ca certificate lem suah dingin nawhthuh a cohlang a si.

Meerut khua, private siizung pakhat cun Covid – 19 negative a si timi certificate lem suah dingah Rs 2000 nawhthuh a laaklai cu video in an zuk ngah a si.

Video sung ahcun mi pakhat in Covid – 19 negative sinak ca leem suahsak dingin a dil ih siizung hnaṭuantu hnen ah Rs 2000 nawhthuh a pek ih District Official in Covid 19 negative calem a suak hnu ah Rs 500 pekbetding in a sim a si.

Nawhthuh pektu cun “himi ca a suak thei cun zerhkhat sung tal in deih ding ka zum” tin ṭong phah in siizung manager hnen ah Rs 2000 a pek ih certificate a suak ciang thei hnuah Rs 500 a pekbet lehding thu a sim a si.

Meerut khua ih Chief medical officer Dr Raj Kumar cun, “video kan zoh a si le COVID-19 negative report lem suah dingin siizung manager Shah Alam in nawhthuh a lak lai kan hmu. Amah khal tayacuai nak kan nei zo. Himi thuthawn pehpar in district siizung sungṭuan an tel maw tello timi khal thei ciang dingin zingzoinak kan nei rero a si” tiin a sim.

ref:TOI

Leave a Reply

Your email address will not be published. Required fields are marked *