Covid – 19 Natnak ihsin Damsuak zotu thisen Online Black Market ah an zuar

Australia National University (ANU) in Covid – 19 thawn pehpar mi zingzoinak a nei mi ah Darknet (Online Black Market) website tam zet ah Covid – 19 nathrik ihsin damsuaktu` thisen an zuar timi an hmusuak.

ANU researcher pawl ih hmuhsuakmi cu Australian Institute of Criminology in a phuang suak ih Darknet market ahcun Covid – 19 thawn pehparmi hmanrua phun 20 lenglo khal an zuar telcih ti hmuhsuak a si.

Hih thu thawn pehpar in rinsantlak a si mi Vice media in zingzoinak a nei bet ih Covid – 19 nathrik ihsin dansuaktu ih thisen, diagnostic tests, personal protective equipment (PPE) tvp lei theih a siih thisen litre 1 ah $21,600 AUD in an zuar thu hmuhsuahbet a si.

Darnet ih zuarmi Covid – 19 thliri hmanrua pawl cu leitlun hmun dangdang ih Doctor pawl hnen ihsin ngahsuakmi a siih Sweden ram ihsin International black market ah thunlut ih zuarsawng mi a si.

Australia National University researcher hotu Rod Broadhurst cun “Covid -19 ihsin damzo tu`h thisen (plasma) cu kakuaisi (vaccine) ah hmang in an dawt aw. A dawtaw tu cu Covid – 19 natnak a kai thei nawnlo vek dingin an ruat aw” ti`n Australia ABC news hnen ah a sim.

An hmanrua pawl cu factory le sizung ih firmi siding zum a um ih United States (61 percent),Europe (6 percent), UK (2.6 percent) le Australia ah (0.5 percent) zuar suah a si.

Hminsin***Vice Media cu Private, limited liability company a si ih a neitu cu Shane Smith (20%), The Walt Disney Company (16%), A&E Networks (20%), TPG Capital (44%), Soros Fund Management (10%), James Murdoch (minority stake) pawl an si.

Leave a Reply

Your email address will not be published. Required fields are marked *