Covid – 19 natnak ih thi a Pu cu Thla 3 sung rori a hngak

Inn-zuat ṭilva lakah Uico hnakih zawnlung rinum an um lo an ti ṭheu ih minung hrang ih rualṭha an si zia, China ram ih Uite “Xiao Bao” nun ah a lang.

Xiao Bao cun Covid – 19 ruangih thi a pu cu thla 3 sung rori sizung dawr pakhat sungin a hngak. Sizung hnaṭuan pawl in February thlacem hrawng ah an hmusuak ih Sizung leng ah an dawi suak nan a pu hmuh ding beiseinak thawn Sizuang ah a kir sal ringring.

April thla, China ram lockdown ong a si hnu ah sizung dawr kiltu pawl cun Xiao Bao cu enkawl in rawl an pe ṭheu.

Dawr kiltu Wu Cuifen cun “Xiao Bao neitu putar cu Covid – 19 nathrik kai in sizung ah an ret ih ni 5 hnu ah a thi tin in sim. Xiao Bao cun a pu a thi ti thei loin hinah dawr sung in a hngak ringring.

“Sizung ihsin hmun dang ah a tlan dahlo hrimhrim. Rinum zet ih a um mi hin ka thinlung a khoih ngaingai. Rawl khal ka pe ṭheu ih zing-zaan in sizung kiangkap ah a um ringring” ti`n a sim.

May thla hrawng ihsin Sizung um mi na pawl in sizung sung ah uico vak sukso ringring a um tiih sawiselnak ruangah sizung ṭuanvo neitu pawl in Wuhan Small Animal Protection Association ah pehtlaihnak an nei ih cu pawl cun uite cu an lak suak. Tuahcun lamlak uico enkolnak hmun ah kilkhawi a si.

Xiao Bao ti cu China ṭong a siih “little treasure” tinak a si.

ref:ladB

Leave a Reply

Your email address will not be published. Required fields are marked *