Covid – 19 nat a kaitu hnen ah minung 140 sam an met nan zohman nathrik kai lo

Missouri, US : Covid 19 nat nei Great Cilps sam met dawr ih hnaṭuan mi pahnih cun customer 140 pawl ih sam an met nan zohman in nathrik an kai lo thu, an umnak khua cozah in official in a phuang.

An pahnih in dawr pakhat ih ṭuan tlang an siih Covid -19 nat phunhmang an taksa ah a lang nan hmuhkhuh le social distancing daan an thlun ruangah natnak kai thei an ṭuanpi mi 7 le customer 140 pawl cu natnak kai loin an him dam.

Minung 147 sungin mi 46 test nak an nei ih an zaten nat an kai lo timi hmuhsuah a si. Atang dang pawl cu Covid – 19 quarantine daan vekin inn sung ah an khum ih a ni a kim hnuah zo hman natnak an kai lo hmusuak bet a si.

Springfield-Green County Health Department director cun “thuthang theih nuam a si, hmur khuh le social distancing daan thlunnak ih rahsuah a si. Hmur khuh an hman mi ziang vek a si, ziang ti vekin daan an thlun timi khal cipciar takin zingzoinak kan nei a si” tiin a sim.

Tu thla sung ih suah mi Lancet medical Journal sungah hmur khuh bunlotu hnen ah Covid 19 nak hrik kaitheinak zateek 17.4% in a tam ih hmur khuh buntu hnen ah zateek 3.1% in a mal ruangah hmur khuh bun, social distancing daan thlun in um cio tum uh si.

ref:IT,teleG

Leave a Reply

Your email address will not be published. Required fields are marked *

error: hahahahahaha !!